La muziko de ĉi tiu albumo povas esti priskribita kiel akustika popolmuziko de Nordio (gitaro, fluto, violono, kontrabaso, piano, klarneto, perkutiloj, akordiono), kaj ni povus klasi ĝin ankaŭ en la mondmuzika ĝenro.

La specifeco de la kantoj kuŝas ĉefe en la tekstoj, kiuj respegulas la politikan engaĝiĝon de la bando en la alternativa ekologiista kaj verdula movado de Svedio.

La enhavo de ĉi tiu 12-titola albumo estas tre varia muzike, kaj malgraŭ la temoj seriozaj kaj gravaj oni trovas certan acidan kaj ironian humuron, kiel ekzemple en la titoloj “Pacon de dio” kaj “Ĉiuj amegas Usonon”.

Eksenlime estas albumo ne kutima, kiu vokas nian konscion en la horo de planedo en danĝero, de la alternmondismo kaj tutglobismo.
Originala kaj trafa verko.

Muzikistoj en la albumo Eksenlime
Andreas Nilsson: Drumo, perkutiloj
Anna Burenius: gitaro, kanto
Anna Ekman : fluto
Daniel Leksell: piano, akordiono, gitaro, kanto, klavaroj, perkutiloj
Jon Johnson: kontrabaso, kanto
karin Nordström : Kontrabaso, kanto
karinMalin Ekström: kanto
Karolina Hagegård: kanto
Mathias Dalmose: Violono
Tomas Q Nilson: kanto, klarneto, gitaro, elektra baso, Blovklavaro, perkutiloj

Registrita kaj arte produktita de Daniel Leksell en Härnösand kaj Malmö
Libreto kaj kovrildezajno : Daniel Cederberg
Kovrilpentaĵo : Anne Hagström